بعض البشر للشاعرة: ريم الحيويطات
بعض البشر ودك تحطه... بقلبك
تقفل عليه ضلوع صدرك وتخفيه
من كثر ماتغليه.... ودك بعمرك
تعطيه منه وإن لزم ما يكفيه
وبعض البشر لو قال إنه يودك
الموقف الكايد... يبين خوافيه
والبعض الآخر.... لو تكلم يغثك
يرمي كلام يوجعك لو تصافيه
وفيهم كما البلسم على حر كبدك
يداوي جروح... يعجز الطب يشفيه
وفيهم صديق..... بالوازم يسدك
تزهم عليه وقولت انخاك تكفيه
وفيهم عديل الروح عضده يشدك
مثل الذهب صافي ولا فيه تشويه
وفيهم وفيهم.... بس منهو يعدك
انك خويه.......مايبيعك وتشريه
الريم@
تعليقات
إرسال تعليق