بعد فرقتنا /الشاعر يحي المكي
بعد فرقتنا وماضينا رجعنا
رجعةً متأخرة والوقت فات
ليت واحنا يا حبيبي ما اجتمعنا
طالما فرحة وآخرها شتات
وين احلام الزمان اللي صنعنا
وين آمال القلوب الضايعات
في طريق الشوق والأوجاع ضعنا
واغلقت قدامنا كل الجهات
ان شكينا جرحنا ما حد سمعنا
غير أشباح الحنين الصامات
وان كتمنا الجرح يقتلنا وجعنا
والمشاعر كلها تصبح رفات
صح إنحنا عملنا ما استطعنا
نستعيد احلامنا بعد الفوات
ما هو اللي من محبتنا منعنا
ما فهمنا اي شي من الحياة
شي واحد اعرفه إنا زرعنا
حبنا الأول هنا واليوم مات
المكان اللي من الماضي جمعنا
صار متحف للألم والذكريات
نسكب الدمعة اذا جنبه جزعنا
نحاول ان ننسى السنين الماضيات
صعب هذا الشي ولكنا اقتنعنا
وفوق قبر الحب أعلنا الصلاة
#الشاعر يحيى المكي
٢٠٢٤/٥/١م
تعليقات
إرسال تعليق